ବର୍ଷା ଋତୁ ସମୟରେ ଆମ ଶରୀରକୁ ବହୁ ସଂକ୍ରମକ ରୋଗ ହେବାର ଆଶଙ୍କା ରହିଥାଏ । ଏହି
ଋତୁରେ ଜ୍ୱର, ଫ୍ଲୁ, ଖାଦ୍ୟ ସଂକ୍ରମଣ, ପାଣି ସଂକ୍ରମଣ ଓ ଆଲର୍ଜି ପରି ରୋଗ ହେବାର
ସମ୍ଭାବନା ରହିଥାଏ। ତେଣୁ ଏହି ସମୟରେ ସଂକ୍ରମକ ଜୀବାଣୁ ଠାରୁ ନିଜକୁ ଦୂରେଇ ରଖିବା
ଆବଶ୍ୟକ ଓ ପରିଷ୍କାର ପରିଚ୍ଛନତା ପ୍ରତି ଅଧିକ ଗୁରୁତ୍ଵ ଦେବା ଉଚିତ ।
ବିଏମସି ର ରାଜୀବ ଆବାସ ଯୋଜନା ବିଷୟରେ ଅଧିକ ଜାଣନ୍ତୁ ।
ଜାଣନ୍ତୁ ବର୍ଷା ଋତୁ ସମୟରେ କଣ କରିବେ ଓ କେମିତି ନେବେ ଶରୀରର ଯତ୍ନ :
- ଏହି ସମୟରେ ବାହାରକୁ ଗଲେ ସର୍ବଦା ନିଜର ବର୍ଷା ପୋଷାକ, ଜୋଟା, ଛତା ଆଦି ପ୍ରସ୍ତୁତ ରଖନ୍ତୁ ।
- ଯଦି ଆପଣ ଭିଜିଛନ୍ତି ତେବେ ଘରେ ଆଉଥରେ ଭଲରେ ଗାଧୋଇ ପଡନ୍ତୁ । ଏହା ଖରାପ ଲାଗୁଥିଲେ ବି ସତ । ଏହାଦ୍ଵାରା ବହୁ ସଂକ୍ରମଣରୁ ରକ୍ଷା ମିଳିବ ।
- ସଂକ୍ରମିତ ଭୂତାଣୁ ଠାରୁ ରକ୍ଷା ପାଇବା ପାଇଁ ହରବାଲ୍ ଚା, ଅଦା ଚା, ଲେମନ୍ ଟି, ଗରମ ଭେଜିଟେବୁଲ୍ ସୁପ୍, ଫିଲଟର୍ କିମ୍ୱା ଗରମ ପାଣି ପିଇବା ଉଚିତ । ତେବେ ଗରମ ପାଣି ୨୪ ଘଣ୍ଟାରୁ ଅଧିକ ସମୟ ରଖିବା ଉଚିତ୍ ନୁହଁ । ବର୍ଷା ଦିନେ ଖାଦ୍ୟକୁ ଭଲ ଭାବେ ରୋଷେଇ କରିବା ଦରକାର। ଫଳ ଓ ପରିବା କୁ ଭଲଭାବରେ ପରିଷ୍କାର କରି ଖାଇବା ଉଚିତ ।
- ସର୍ବଦା ନିଜର ହାତ, ପାଦକୁ ପରିଷ୍କାର ପରିଚ୍ଛନ ରଖିବା ଉଚିତ । ସାବୁନ କିମ୍ବା ହ୍ୟାଣ୍ଡୱାଶ ବ୍ୟବହାର କରିବା ଉଚିତ ।
- ଗରିଷ୍ଠ ଖାଦ୍ୟ ନ ଖାଇ ହାଲକା ଭୋଜନ କରିବା ଉଚିତ । କାରଣ ଏହି ସମୟରେ ପାଚନ କ୍ରିୟା ଶୀଘ୍ର ହୋଇନ ଥାଏ। ପାଚନ ତନ୍ତ୍ରକୁ ସୁସ୍ଥ ରଖିବା ପାଇଁ ରସୁଣ, ଗୋଲମରିଚ, ଅଦା, ଧନିଆ ଓ ହଳଦୀ ଖାଇ ପାରିବେ।
- ପ୍ରଚୁର ପରିମାଣରେ ପାଣି ପିଇବା ଉଚିତ । ଏହାଦ୍ବାରା ଖାଦ୍ୟ ଠିକରେ ହଜମ ହେବ ।
- ବାହାରେ ବିକ୍ରି ହେଉଥିବା ଜଙ୍କ ଫୁଡ ଏହି ସମୟରେ କମ୍ ଖାଇବା ଭଲ ।
- ଘରଠାରୁ ମଶା ଓ ମାଛିକୁ ଦୂରେଇ ରଖିବା ପାଇଁ କୀଟନାଶକ ପ୍ରୟୋଗ କରନ୍ତୁ । ଏହାସହିତ ଘର ପୋଛିବା ସମୟରେ ଫିନାଇଲ୍ ବ୍ୟବହାର କରନ୍ତୁ।
ବିଏମସି ର ରାଜୀବ ଆବାସ ଯୋଜନା ବିଷୟରେ ଅଧିକ ଜାଣନ୍ତୁ ।
No comments:
Post a Comment