ଭାରତୀୟ ଷ୍ଟେଟ୍ ବ୍ୟାଙ୍କ (ଏସବିଆଇ) ଇଣ୍ଟରନେଟ ଓ ମୋବାଇଲ ବ୍ୟାଙ୍କିଂ ପଦକ୍ଷେପ

ଦେଶର ସବୁଠାରୁ ବଡ଼ ବ୍ୟାଙ୍କ୍ ଭାରତୀୟ ଷ୍ଟେଟ୍ ବ୍ୟାଙ୍କ (ଏସବିଆଇ) ଇଣ୍ଟରନେଟ ଓ ମୋବାଇଲ ବ୍ୟାଙ୍କିଂକୁ ପ୍ରୋତ୍ସାହିତ କରିବା ପାଇଁ ଗତ ଗୁରୁବାର ଦିନ ଆଉ ପଦକ୍ଷେପ ନେଇ...

ଦେଶର ସବୁଠାରୁ ବଡ଼ ବ୍ୟାଙ୍କ୍ ଭାରତୀୟ ଷ୍ଟେଟ୍ ବ୍ୟାଙ୍କ (ଏସବିଆଇ) ଇଣ୍ଟରନେଟ ଓ ମୋବାଇଲ ବ୍ୟାଙ୍କିଂକୁ ପ୍ରୋତ୍ସାହିତ କରିବା ପାଇଁ ଗତ ଗୁରୁବାର ଦିନ ଆଉ ପଦକ୍ଷେପ ନେଇଛନ୍ତି ।

ଇଣ୍ଟରନେଟ୍ ବ୍ୟାକିଂ ବ୍ୟବହାର କରୁଥିବା ଗ୍ରାହକମାନଙ୍କ ପାଇଁ  ନ୍ୟାସନାଲ ଇଲେକ୍ଟ୍ରୋନିକ୍ ଫଣ୍ଡ ଟ୍ରାନ୍ସଫର (ଏନଇଏଫଟି) ଓ ରିୟଲ ଟାଇମ ଗ୍ରସ୍ ସେଟେଲମେଣ୍ଟ(ଆରଟିଜିଏସ୍)ରେ କଟୁଥିବା ଚାର୍ଜରେ ୭୫ ପ୍ରତିଶତ ପର୍ଯ୍ୟନ୍ତ ରିହାତି ଦିଆଯାଇଛି ।

ଏହି ରିହାତି ଆସନ୍ତା ୧୫ ଜୁଲାଇରୁ ଲାଗୁ ହେବ । ଏସବିଆଇ ତରଫରୁ କରାଯାଇଥିବା ଏହି ଛାଡ ପରେ ନେଟ ବ୍ୟାକିଂ ଓ ମୋବାଇଲ ବ୍ୟାକିଂ ବ୍ୟବହାର କରୁଥିବା ଗ୍ରାହକମାନଙ୍କୁ ବହୁ ଫାଇଦା ହେବ ।

ଏନଇଏଫଟି –

ଏନଇଏଫଟିରେ ଏବେ ୧୦,୦୦୦ ଟଙ୍କା ପର୍ଯ୍ୟନ୍ତ ନେଣଦେଣ ଉପରେ ବ୍ରାଞ୍ଚ ଚ୍ୟାନେଲକୁ ୨.୫୦ ଟଙ୍କା ଦେବାକୁ ପଡ଼ିବ । ଏହାସହ ଇଣ୍ଟରନେଟ କିମ୍ବା ବ୍ୟାଙ୍କିଙ୍ଗ ମାଧ୍ୟମରେ ଟ୍ରାଞ୍ଜାକ୍ସନ ଉପରେ ୧ ଟଙ୍କା ଦେବାକୁ ପଡ଼ିବ । ଏହା ପୂର୍ବରୁ ୧୦,୦୦୦ ରୁ ଏକ ଲକ୍ଷ ପର୍ଯ୍ୟନ୍ତ ଟଙ୍କା ଅନଲାଇନ ଟ୍ରାଞ୍ଜାକ୍ସନ ଉପରେ ୪ ଟଙ୍କା ଦେବାକୁ ପଡ଼ୁଥିଲା, ତାହା ଏବେ ୨ଟଙ୍କା ହୋଇଯାଇଛି ।

ଆରଟିଜିଏସ୍ –

ଆରଟିଏସରେ ୨ ଲକ୍ଷରୁ ୫ ଲକ୍ଷ ଟଙ୍କା ପର୍ୟ୍ୟନ୍ତ ଅନଲାଇନ ଟ୍ରାଞ୍ଜାକ୍ସନ ପାଇଁ ପ୍ରଥମେ ଯେଉଁଠି ୨୦ ଟଙ୍କା ଦେବାକୁ ପଡ଼ୁଥିଲ, ଏବେ ତାହା ତାହା ମାତ୍ର ୫ ଟଙ୍କା ହୋଇଯାଇଛି । ବ୍ରାଞ୍ଚ ଚ୍ୟାନେଲକୁ ଏହି ସେବା ପାଇଁ ୨୫ ଟଙ୍କା ଦେବାକୁ ପଡ଼ିବ । ୫ ଲକ୍ଷରୁ ଅଧିକ ଅନଲାଇନ ଟ୍ରାଞ୍ଜାକ୍ସନ ପାଇଁ ପ୍ରଥମେ ୪୦ ଟଙ୍କା ଦେବାକୁ ପଡ଼ୁଥିଲା, ଯାହା ଏବେ ୧୦ ଟଙ୍କା ହୋଇଯାଇଛି । ଏହାସହ ଏଇଠି କହିରଖୁଛୁ ଏହି ସବୁ ଦରରେ ଜିଏସଟି ସାମିଲ ନାହିଁ ।

ଆଇଏମପିଏସ ସେବା-

ଆଇଏମପିଏସ ଏକ ଇଲୋକ୍ଟୋନିକ ମାଧ୍ୟମରେ ତ୍ୱରିତ ଟଙ୍କା ନେଣଦେଣ ସେବା ଅଟେ । ଆଉ ଭାରତୀୟ ଷ୍ଟେଟ୍ ବ୍ୟାଙ୍କ ୧ହଜାର ଟଙ୍କା ପର୍ଯ୍ୟନ୍ତ ଆଇଏମପିଏସ୍ ତତ୍କାଳ ସେବା ଉପରେ ଲାଗୁଥିବା ଶୁଳ୍କକୁ ଉଠାଇ ନେଇଛନ୍ତି । ଏହା ପୂର୍ବରୁ ୧ହଜାର ପର୍ଯ୍ୟନ୍ତ ଆଇଏମପିଏସ୍ ନେଣଦେଣ ଉପରେ ଦେୟ ସେବାକର ସହିତ ବ୍ୟାଙ୍କ ପ୍ରତି ନେଣଦେଣକୁ ୫ ଟଙ୍କା ଲେଖାଏଁ ଶୁଳ୍କ ଆଦାୟ କରୁଥିଲା ।

ବସ୍ତୁ ଏବଂ ସେବା କର ଜିଏସଟି ଲାଗୁ ହେବା ପରେ ଆର୍ଥିକ ନେଣଦେଣ ଉପରେ ୧୮% କର ବ୍ୟବସ୍ଥା କରାଯାଇଛି । ଏବେ ୧୦୦୦ଟଙ୍କା ପର୍ଯ୍ୟନ୍ତ ଆଇଏମପିଏସ ନେଣଦେଣ ଉପରେ କୌଣସି କର ଲଗାଯାଉନଥିବା ବେଳେ ୧ହଜାର ରୁ ୧ଲକ୍ଷ ନେଣଦେଣ ଉପରେ ୫ଟଙ୍କା ଏବଂ ୧ ଲକ୍ଷରୁ୨ ଲକ୍ଷ ନେଣଦେଣରେ ୧୫ଟଙ୍କା ଶୁଳ୍କ ଦେବାକୁ ପଡ଼ିବ ।

ଏହା ପୂର୍ବରୁ ଗତ ସପ୍ତାହରେ ଏସବିଆଇ ୧ ବର୍ଷ ପାଇଁ ୧ କୋଟି ଟଙ୍କାରୁ କମ୍ ରାଶିଯୁକ୍ତ ଟଙ୍କା ଜମା ଉପରେ ସୁଧ ପ୍ରତିଶତକୁ କମ କରି ୬.୭୫% କରିଦେଇଥିଲା । ଯାହାକି ସାତ ବର୍ଷଧରି ଚାଲି ଆସୁଥିବା ବ୍ୟବସ୍ଥା ଠାରୁ କମ ଥିଲା ।